Актаныш

БАЛАЧАК БӘЙРӘМЕ: Бүген "Каенкай"га Кыш бабай килде (+ФОТОМИЗГЕЛЛӘР)

6 санлы "Каенкай" балалар бакчасының уртанчылар төркеменә  Кыш бабай бүген килде.

Тиздән Яңа ел бәйрәме җитә. Күңел ниндидер могҗиза, күңел түрендә йөрткән иң садә хыялларның тормышка ашуын өмет итә. Ә чын күңелдән теләсәң, теләкләр чынга аша ул. Исегездәме, балачакта бу бәйрәмне ничек көтә идек!?  Кыш бабайга сөйләргә дип шигырьләрнең иң матурын ятлый идек...


6 санлы "Каенкай" балалар бакчасының уртанчылар төркеменә  Кыш бабай бүген килде. Чара балаларының дәртле биюләре, матур җырлары, шигырьләре белән үрелеп барды. Бәйрәм алды ыгы-зыгысы, мең төрле мәшәкать онытылды бу көнне. Чараны караган төркемдә йөрүче баланың дәү әтисе чын күңелдән:" Күңел ял итте",- дип үз бәясен бирде. Чынлап та күңел ял итте. 


Зур рәхмәт тәрбиячеләребезгә. Безнең балаларны тәрбияләп, шундый матур чара оештырганнары өчен.


Ә без һәммәбез дә могҗизага ышаныйк, теләкләрнең иң изгеләрен генә телик. Нәкъ менә киләсе елда һәрберебезгә уңыш, бәхет елмаер. Хыяллар чынга ашу сәләтенә ия. Шуны онытмыйк!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: