БЕЗГӘ ПУЧЫДАН ЯЗАЛАР: Өлкәннәр көнен каршылап

Өлкәннәргә

Өлкәннәр сүзен ишетүгә,
Ирексездән күздән яшь тама.
Бу дөньяның яме булмас иде,
Өлкән буын хезмәт куймаса. 

Өлкәннәр бит-безнең башлангыч
Алар безгә һәрчак таяныч!
Рәнҗетә генә күрмик үзләрен
Һәрвакыт китерик аларга куаныч. 

Сезнең алда түбәнчелек белән
Баш иямен әйтеп мең рәхмәт!
Хәер-догада сез һәрчак булыгыз,
Җир йөзендә булсын бәрәкәт!

Олыгайган көндә һәммәгез дә
Булыгыз сез кадер-хөрмәттә!
Яшәгез саулык-байлык белән!
Мин каламы изге теләктә.