Актаныш

БЕЗГӘ ПУЧЫДАН ЯЗАЛАР: Өлкәннәр көнен каршылап

1 октябрь -Халыкара өлкәннәр көне. Әлеге истәлекле дата уңаеннан районыбызда ункөнлек чаралар оештырыла. Пучы мәктәбенең 8б сыйныфы укучысы Энҗе Имамова фикерләрен шигъри юллар аша җиткерә.

Өлкәннәргә

Өлкәннәр сүзен ишетүгә,
Ирексездән күздән яшь тама.
Бу дөньяның яме булмас иде,
Өлкән буын хезмәт куймаса. 

Өлкәннәр бит-безнең башлангыч
Алар безгә һәрчак таяныч!
Рәнҗетә генә күрмик үзләрен
Һәрвакыт китерик аларга куаныч. 

Реклама

Сезнең алда түбәнчелек белән
Баш иямен әйтеп мең рәхмәт!
Хәер-догада сез һәрчак булыгыз,
Җир йөзендә булсын бәрәкәт!

Олыгайган көндә һәммәгез дә
Булыгыз сез кадер-хөрмәттә!
Яшәгез саулык-байлык белән!
Мин каламы изге теләктә.

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: