Бүген авария нәтиҗәсендә мандарин төягән йөк машиналары янган

Бүген, 14 декабрьдә, иртүк Башкортстанның Иглин районында зур авария булган. Юл-транспорт һәлакәте аркасында трассаны япканнар.

Бу хәл Самара - Уфа - Чиләбе автоюлының 1497нче чакрымында теркәлгән. Трассада ике фура бәрелешкән. Бәрелгәннән соң ике машина да яна башлаган.

Кызганычка каршы, авариядә бер йөк машинасының йөртүчесе һәм икенче машинаның пассажиры һәлак булганнар. Бер фураның 14 тонна Яңа елга мандарин алып кайтып барган булуы билгеле.