"Бу минем туган авылым" бәйгесенә нәтиҗә ясалды

"Ватаным Татарстан" газетасы үткәргән "Бу минем туган авылым" бәйгесенә нәтиҗә ясалды. Җиңүчеләр биш номинация буенча билгеләнде. Алар арасында безнең райондашларыбыз да булу сөендерә. 

Газетаның мөхәррире Гөлнара Сабирова үзенең хезмәттәшләре белән бүген Чуракай авылына җиңүче райондашларыбыз - Чуракай мәктәбе директоры Рамил Сәлаховны һәм Киров авылыннан Венера Сабитованы тәбрикләргә килде. Камал театры артисты Әсхәт Хисмәтнең җырлары чарага үзгә бер ямь өстәде.