Бу якшәмбедә СПИДтан үлүчеләрне искә алалар

Районда бүгенге көндә ВИЧ инфекциясе йөртүче 9 кеше исәптә тора. Болар һәм алар белән бәйләнештә торучылар даими рәвештә медицина күзәтүе үтәләр.

Әлеге авыруны йоктырмас өчен иң элек җенси тотнаклылык, наркотиклар кулланмау, шәхси гигиена кагыйдәләрен төгәл үтәү кирәк, диләр белгечләр. Шулай ук  авыру кешедән сәламәт кешегә чир йоктырмас өчен медицина, чәчтараш хезмәткәрләре дә халыкка тиешенчә хезмәт күрсәтергә бурычлылар. Чөнки бүгенге көнгә кадәр әлеге авыруга каршы вакцина уйлап табылмаган.