ӘДӘБИ БАЛКЫШ: Шигърият - нәфис әдәбият!

                                     Әлеге уңайдан Актаныш үзәк китапханәсенең хезмәт күрсәтү бүлеге “Шигырьләр түшәлгән сукмакта” исеме белән шигъри видеомарафон үткәрде. Марафонның төп максаты буларак классик һәм хәзерге дәвер әдәбиятендәге шагыйрьләрнең иҗатларын өйрәнү, аларны халыкка таныту, туган телгә хөрмәт хисе тәрбияләү, сәнгатьле сүзгә игътибар юнәлтү булган. 

                                     Үзәк һәм авыл китапханәләре - чын мәгънәдә мәдәният учаклары, төрле буын укучылары бик ашкынып килә. Әлбәттә, райондашларның мәгълүмати һәм әдәби ихтыяҗларын, сәнгати зәвыкларын үстерүдә -  китапханә директоры Гөлназ Әхмәдишинаның өлеше олуг. Туган ягыбызның танылган шагыйрьләре, районкүләм "Агыйдел дулкыннары" әдәби берләшмәсе иҗатчылары белән элемтәләр тыгыз, дуслык күперләре һәрчак ныклы һәм өметле.