Иң күп газета-журналга яздырган 40 почтальонга 4000 сум премия!

         2022 елның беренче яртыеллыгына газета-журналларга яздыру компаниясенең иң кызган мәле. "Актаныш таңнары" газетасына иң күп яздырган хат ташучыларга кыйммәтле бүләкләр вәгъдә иткән идек. Кул артыбыз җиңел булып чыкты. Бүген "ТАТМЕДИА" АҖ почтальоннар өчен яңа конкурс игълан итте. "ТАТМЕДИА" АҖ нәшер ителгән газета-журналларга иң күп яздыручы белгечләр 4000 сумлык акчалата премиягә лаек булачак. Республиканың 40 мактаулы хат ташучысы арасында Актаныш районы вәкилләре дә булыр дип ышанабыз!