Актаныш

ИНСУЛЬТ КИЧЕРГӘН РАЙОНДАШЫБЫЗНЫҢ СҮЗЕ: 80 яшьтә дә яшисе килә

80 яшьлекләрне ятарга салмыйлар икән. Бу хәбәрне ишетүгә ниләр генә уйлап бетермәдем.

Быелның апрель азагында инсульт кичердем. Чаллыда 13 көн хастаханәдә яттым, соңыннан реабилитация үзәгендә дәвалансам, дип ниятләгән идем. Тик анда 80 яшьлекләрне ятарга салмыйлар икән. Бу хәбәрне ишетүгә ниләр генә уйлап бетермәдем, чөнки куллар эшләми, аяклар йөрми – чирем белән үзем генә калдым. 40 ел шәфкать туташы булып эшләгән кеше мин, ә үземә кем соң ярдәм итәр?

Рәхмәт үзебезнең Байсар хастаханәсенә, баш табиб Альберт Дамир улы Сафиуллинга, шундук килеп, кирәкле даруларны, киңәшләрен биреп, юатып китте. Шул көннән бирле бүгенге көнгә кадәр килеп карый, тәүлекнең кайсы вакыты булуга карамый, ярдәмгә ашыга. Мин аңа мең рәхмәтләр укыйм, үзенә, гаиләсенә сәламәтлек телим. Тудырган әнисенә мең рәхмәт аның.
 

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: