Иске Сәфәр авыл җирлеге Муллакаевлар гаиләсенә бәйрәм оештырган

8 нче июль – Бөтендөнья гаилә, мәхәббәт һәм тугрылык көне уңаеннан җирлек башлыгы Гөлнара Зинфир кызы белән бергәләп,  60 ел бергә гомер кичергән, авылыбызда үрнәк гаилә булып яшәүче, 5 бала тәрбияләп үстергән Муллакаев Хәмдегали абый белән Фәһимә апаны бәйрәм уңаеннан котлап кайттык. Аз гына күрсәтелгән хөрмәткә дә өлкәннәребез бик сөенеп рәхмәт әйтеп калдылар. Аларга олыгайган көннәрендә сәламәт булып, кайгылар күрмичә, тигез гомер итәргә насыйп булсын, иншаллаһ.