Ижаудагы 88 нче мәктәптә дәрес вакытында балаларга атканнар

         «112» хезмәте Ижаудагы 88 нче мәктәптә атыш булу турында  хәбәр итә. Хәзерге вакытта укучылар һәм укытучылар эвакуацияләнә. Атыш вакытында берничә кеше, шул исәптән сакчы яраланган.

           Кара костюмдагы билгесез кеше дәрес вакытында сыйныфка кереп, балаларга ата башлый. Мәктәп директоры яраланган яшүсмер белән кабинетны бикләп кача. 

Шулай ук бүген Ирткутск өлкәсе Усть-Илимск шәһәрендә хәрби комиссариат җитәкчесенә атканнар. Хәрби комиссар авыр хәлдә хастаханәгә озатылган, аның хәлен медиклар бик авыр дип бәяли.