Актаныш

ХУҖАБИКӘЛӘР КОЛАГЫНА: Иң югары сыйфатлы савыт-саба

ТР Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре Яр Чаллы шәһәренең "Алькор" сәүдә комплексында булды.

"Савыт-саба" бүлегендә белгечләр бүлек җитәкчесе белән очрашты, ул халык арасында еш сорала торган "Kukmara" бренды савыт-сабасының ассортименты, өстенлекләре һәм сыйфаты турында сөйләде. Ассортиментта барыннан бигрәк ничек юнәлеш алырга һәм савыт-сабаны ничек итеп дөрес сайларга – белгечләрдән берничә киңәш.

Савыт-саба "Кукмара металл савыт-саба заводы" ААҖ чыгарыла, әлеге завод Россия Федерациясе территориясендә алюминийдан коелган калын савыт-саба җитештерүчеләр арасында иң яхшысы санала.

Предприятие савыт-сабасы – "KUKMARA" сәүдә маркасы белән тамгаланган савыт-саба – бик популяр һәм Россиядә генә түгел, хәтта якын һәм чит илләрнең күбесендә дә гел соралып тора. Югары сыйфатлы уникаль савыт-сабаны ясау өчен төп чимал сыйфатында алюминийдан сертификатлы коелмалар хезмәт итә. Чимал җитди контроль уза, шул исәптән радиация куркынычсызлыгы буенча да. Савыт-сабаның үзенең штрих-коды бар – ЕАН-13 (халыкара классификациясе буенча), шулай ук ГОСТ-Р сертификатларына ия.

Кукмара металл савыт-саба заводының төп ассортименты: тутыкмый торган корычтан савыт-саба, керамик тышчалы, көйдерми торган тышчалы, декоратив тышчалы, коелган савыт-саба, икмәк формалары, туризм һәм ял товарлары.

"Kukmara" савыт-сабасы бик яхшы сыйфатлы булуы белән аерылып тора. Барлык савыт-саба (коелганыннан тыш) көйдерми торган тышча белән капланган, индукцияледән тыш, теләсә нинди типтагы плитәләрдә кулланылырга мөмкин. Көйдерми торган тышча ясау өчен алманнарның WEILBURGER Coatings GmbH (Германия) фирмасының "GREBLON® NewTec" тышчасы кулланыла. Калын корпусы аркасында савыт-саба бик озак хезмәт итә ала, югары температураларга чыдам, җылылыкны тигез таратырга сәләтле һәм озак вакыт дәвамында аны саклап тора ала, савытларның юан стеналары һәм 4,5 мм башлап 6 мм кадәр калынлыгындагы төбе эшләнмә корпусын деформациядән саклый һәм югары дәрәҗәдә кырылудан саклый.

"Алькор" сәүдә үзәгендә Kukmara компаниясе чыгара торган продукциянең киң ассортименты – ул уңайлы һәм сыйфатлы табалар, кәстрүлләр, казаннар, коймак пешерү җиһазлары, үрдәк кыздыра торган савытлар, кыздыргыч савытлар, сотейниклар, озынча чуен савытлар, икмәк пешерү формалары, поход котеллары һәм өчаяклар.

Савыт-сабаның озак хезмәт итүчәнлеге, зәвыклы тышкы кыяфәте, куркынычсызлыгы, сыйфаты һәм үтемле бәясе әһәмиятле булса, димәк, "Kukmara" савытлары сезнең өчен! Сатып алган әйберләрегез уңышлы булсын һәм сөенеч китерсен!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: