Корбан гаете мөбарәк булсын!

Бисмилләһир-рахмәнир-рахим! Мөхтәрәм дин кардәшләр! Корбан гаете мөбарәк булсын! Көтеп алган мөкатдәс бәйрәмебез - Корбан гаете җитте. Корбан тормыш нигъмәтенә шөкер кылып, Ибраһим г.с.нең эшен дәвам итеп, ахирәттә Сиратны җиңел кичү, гөнаһ-хаталарның ярлыкануы өчен чалына. Корбан Аллаһыны искә алу һәм Аның ризалыгына ирешү өчен әмер ителгән. Гает намазы районыбызның барча мәчетләрендә 6.00 сәгатьтә вәгазь белән башлана, 6.30 сәгатьтә намаз укыла. Олуг гает көнендә бәйрәм намазларын укырга, корбаннар чалырга, күңелләребездәге мәрхәмәт, куаныч-шатлык хисен тирә-юньдәгеләргә җиткерергә язсын. Гаиләләребез нык, өйләребез нурлы булсын. Мәчетләребезгә рәхим итегез.