Коронавирус бирешми: тагын 43 яңа очрак (ковид буенча статистика)

(Казан, 20 октябрь, «Татар-информ»). Татарстанда соңгы тәүлектә коронавирус инфекциясе йоктыруның 43 яңа очрагы ачыкланган. Бу хакта ТР Сәламәтлек саклау министрлыгы матбугат хезмәте хәбәр итә.

«Бер кеше хастаханәгә салынган, 42се өйдә дәвалана», — диелә хәбәрдә. 

Авыручылар саны буенча Казан беренче урында тора, монда 29 кеше авырган. Чаллыда - бер, Югары Осланда - биш, Әлмәттә - өч, Яшел Үзән, Лаеш, Лениногорск, Менделеевск, Нурлатта - берәр очрак.

Яшел Үзәндә өч, Балтач һәм Нурлат районнарында икешәр очрак теркәлгән.

Диагностика башланганнан бирле, республикада «коронавирус инфекциясе» 7 899 тапкыр куелган. 6 756 пациент дәваланып беткән, шул исәптән 15 кеше узган тәүлектә терелгән.