Коронавируска каршы «Спутник V» вакцинасының бәясе билгеле

(Казан, 24 декабрь, «Татар-информ»). Коронавируска каршы Россиядә җитештерелгән «Спутник V» вакцинасының эчке базар бәясе аны җитештерү масштабына бәйле булачак. Бу хакта Россиянең сәнәгать һәм сәүдә министры Денис Мантуровка сылтама белән РИА Новости яза.

«Әлегә өч айга 1 942 сум расланган, әмма бу без тизрәк эшли башласын өчен эшләнде. Җитештерү масштабына бәйле рәвештә, эчке базар өчен бәя кимрәк булачак», — диде Мантуров.