Актаныш

Актаныш районы

16+
2024 - Гаилә елы
Общество

Олы ихтирамга лаек җитәкчебез

Актаныш ветеринария берләшмәсен җитәкләүче ИЛГИЗ НУРЛЫГАЯН улы ЯЛАЛОВ 1 гыйнвар көнне үзенең күркәм юбилеен каршы ала.

Моннан нәкъ 55 ел элек, матур итеп ап-ак кар явып торган вакытта Уразай авылында Нәҗибә белән Нурлыгаян Ялаловларның 5 балалы гаиләсендә дүрт кыздан соң, көтеп алган ул булып дөньяга килә. Авыл балаларына хас булганча, кечкенәдән табигатькә гашыйк булып, терлекләрне яратып үсә. Туган авылында урта мәктәпне тәмамлагач, Н.Э.Бауман исемендәге Казан ветеринария институтына укырга керә. 1989 елда кулына диплом алган яшь белгеч хезмәт юлын “Таулар” хуҗалыгында мал табибы буларак башлый. Бар көчен терлекләрнең сәламәтлеген кайгыртуга багышлый. 2008-2015 елларда район ветеринария берләшмәсе җитәкчесе урынбасары булып хезмәт куя. 2015 елдан инде әлеге берләшмәне җитәкли.

Илгиз Ялалов – үз эшенең чын остасы. Районда эпизоотик хәлнең тотрыклыгы өчен ветеринария хезмәткәрләреннән зур көч таләп ителә. Үз вакытында  терлекләргә прививкалар ясау, куркыныч авыруларны булдырмый калуда төп ярдәмче. Бу нисбәттән, районда себер түләмәсенә, котыру авыруына каршы прививкалар үз вакытында ясала. Ветеринария берләшмәсе хуҗалыклар белән дә тыгыз элемтәдә эшли. Илгиз Нурлыгаян улы моны да ныклы күзәтүдә тота.

Җитәкчебезнең фидакарь хезмәте муниципаль район башлыгының Рәхмәт хаты, Татарстан Республикасы Авыл хуҗалыгы һәм азык-төлек министрлыгының Рәхмәт хаты, Мактау кәгазе, Татарстан Республикасы Президентының Рәхмәте белән бәяләнде.

Илгиз Ялалов эшендә генә түгел, гаиләсендә дә үрнәк гаилә башлыгы. Тормыш иптәше Светлана белән ике улларына гомер биреп, аларны үзләре үрнәгендә тәрбияле, хезмәт сөючән итеп үстергәннәр. Олы уллары Рифатның инде үзенең гаиләсе бар. Әти-әнисенә ике онык бүләк иткәннәр. Баланың баласы балдан татлы, дип сөя аларны әби-бабайлары.

Икенче уллары Илфат бүгенге көндә Казан дәүләт аграр университетында белем ала.

Әнә шундый бәхетле мизгелләр белән каршы ала җитәкчебез үзенең күркәм гомер бәйрәмен.

Хөрмәтле Илгиз Нурлыгаян улы! Әлеге юбилеегыз уңаеннан Сезне ихлас күңелдән тәбрик итәбез. Сезнең хезмәт – зур ихтирамга лаеклы, рухи ныклык, зур җаваплылык таләп итә торган хезмәт. Сез башлаган һәр эшегезне тирән фикер йөртеп, җиренә җиткереп башкарасыз, тирә-ягыгыздагы кешеләргә һәрвакыт игътибарлы һәм ихтирамлы булдыгыз.

Сезгә ныклы сәламәтлек, күңел тынычлыгы, киләчәктә дә алга куйган максатларыгыздан тайпылмыйча, зур хезмәт уңышларына ирешүегезне, тормыш иптәшегез Светлана белән тигезлектә, балаларыгызның, оныкларыгызның күңел җылысын тоеп, игелекләрен күреп, бәхетле гомер кичерүегезне телибез.

Эш күрсәткән ирне иле
мактый,

 Арта бара кадер-хөрмәте.

 Гомер китабының һәр битенә

 Бизәк сала куйган хезмәте.

 Үз урыныгыз эзләп тапкансыз

Реклама

Сез,

 Үзгә караш Сездә тормышка.

 Матур Сезнең үткән гомер юлы,

 Ирешкәнсез күпме уңышка.

 Без телибез Сезгә тормыш юлыгызда

 Яшәү көче, бетмәс егәрлек.

 Рухи ныклык бирсен Сезгә

Ходай

 Гомер тауларына менәрлек.

 Сәламәтлек ташламасын
Сезне,

 Гаиләгездә булсын бөтенлек.

 Без телибез Сезгә, чын
 күңелдән

 Озын гомер, бәхет, иминлек.

Иң изге теләкләр белән Актаныш ветеринария берләшмәсе коллективы.

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев