Онлайн сатып алулар: кулланучыга нәрсәләрне белергә кирәк?
Югары технологияләр заманы безгә өйдән чыкмыйча гына теләгән товарларны сатып алырга мөмкинлек бирә, ә хәзерге вакытта безнең сәламәтлегебезне саклый да. Без барыбыз да «Сакланганны саклармын» дигән атаклы әйтемне беләбез. Нәкъ менә хәзер, гражданнарга массакүләм аралашулар һәм очрашуларны булдырмау кулайрак булганда, ярдәмгә интернет-кибетләр килә. Бу - интернет челтәре аша товарлар белән сәүдә итүче сайтлар, алар онлайн кулланучыларга бер төймәгә басып кына кирәкле әйберне сатып алырга мөмкинлек бирә
Монда өстенлекләр күп, җитешсезлекләр юк диярлек. Әйдәгез, бу өстенлекләрне барлыйк.
Куркынычсызлык. Бары тик интернет-кибетләр генә куркынычсыз сатып алу шартлары тудырырга мөмкин. Һәрвакыт. Интернет-кибетләр тәүлек буе эшли, шуңа күрә үзегезгә уңайлы вакытта заказ бирә аласыз. Соңга кадәр эшләү кирәкле товар сатып алганда комачау итмәячәк.
Чиратсыз. Супермаркетларда кассадагы чиратлар турында, товар киштәләре янындагы эткәләшүләр, киеп карау урынындагы чиратлар турында онытыгыз. Хәзер уңайлы өй киемнәреннән, җайлы урында утырып кына да товар сатып алырга була.
Тиз сатып алу. Интернет-кибеттә товарны сайларга, аны түләргә һәм китереп биргәнне көтәргә генә кала. Өйдән чыгарга да кирәкми.
Гади эзләү. Кирәкле товарны табу өчен ун төрле кибетнең ассортиментын өйрәнү зарурлыгы юк. Өйдә, чәй эчкән вакытта кирәкле әйберне сайларга мөмкин. Моның өчен сайттагы фильтрация системасыннан файдалана белергә генә кирәк һәм бу авыр түгел. Теләсә кайсы интернет-кибет сатып алу процессын мөмкин кадәр гади һәм аңлаешлы итәргә тырыша.
Чикләүләрсез сайлау. Хәтта иң зур сәүдә залында да интернет-кибеттәге кебек товарлар төрлелеге юк. Аларның барысын да карау мәҗбүрилеге юк. Шул ук фильтрлар ярдәмендә тиешле үлчәмне сайларга мөмкин.
Чагыштыру мөмкинлеге. Сез берничә товарны характеристикалары, бәясе, күләме һәм башка критерийлары буенча чагыштыра аласыз. Бу исә уйлап сатып алуга китерә. Сүз уңаенда, Интернетта кирәкмәгән товарны сатып алу ихтималы кими – сезгә сатучы да, дусларыгыз да киңәшләре белән йогынты ясый алмый.
Күп төрле түләү вариантлары. Интернет сатып алуларны карта, элктрон акчалар, компаниянең исәп-хисап счетына акча күчерү юлы белән яки курьерга товарны китергәннән соң түләргә мөмкин.
Һәм иң мөһиме, интернет-кибетләрдәге бәяләр һәрвакыт түбәнрәк.
Әмма түбәндәге киңәшләргә игътибар итегез: һәрвакыт интернет-кибетләрнең рейтингын һәм фикерләр белән танышыгыз, берничә сайтны карау комачау итмәс, интернеттан сатып алучы кешеләр белән сөйләшегез. Сезнең уяулык, сабырлык һәм җаваплылык кирәкле товарны сайлап алырга ярдәм итәчәк, сайт мошенникларыннан аралаячак.
Әгәр сездә кулланучылар хокукларын яклау буенча сораулар туса, сез һәрвакыт Татарстан Республикасы Дәүләт алкоголь инспекциясенең Яр Чаллы территориаль органына мөрәҗәгать итә аласыз, анда компетентлы хезмәткәрләр консультация бирергә әзер.
Татарстан Республикасы Дәүләт алкоголь инспекциясенең Яр Чаллы территориаль органы
Следите за самым важным и интересным в Telegram-каналеТатмедиа
Нет комментариев