Районда вакцина ясау дәвам итә

Коронавируска бәйле рәвештә 11 октябрьдән бик күп чикләүләр кертелгәч, вакцина ясатучылар саны артты, ди район үзәк хастаханәсенең баш табибның медицина өлеше буенча урынбасары Анжелика Хөсәенова.

11 октябрьгә кадәр участок хастаханәләрендә, участок амбулаторияләрендә, авыллардагы фельдшер-акушерлык пунктларында ясаганнарын бергә кушып, көнгә 220-240 кеше прививка алган булса, хәзер аларның саны 350 гә җитә.

-Мин инде кеше QR-код өчен генә ясатмыйдыр, ниһаять, вакцинаның кирәклеген аңлагандыр дип өметләнәм.
Сәламәтлегегезне сакласагыз иде, хөрмәтле райондашлар. Прививка ясатырга килегез, - ди ул.