Актаныш

Районның мәктәп яны лагерьларында юл хәрәкәте куркынычсызлыгына өйрәтәләр (+ФОТОЛАР)

Уразай мәктәп яны "Акчарлак" лагерендә 18 бала ял итә. 2 июнь көнне аларга кунакка килгән "Юл хәрәкәте куркынычсызлыгы" Яр Чаллы территориаль идарәсенең Актаныш районындагы бүлеге башлыгы Рәсимә Сәетованы балалар да, укытучылар да ачык йөз белән каршы алды. Көн җылы, күктә - кояш, җирдә алтын-сары тузганаклар елмая, кошлар сайрый, бал кортлары...

Уразай мәктәп яны "Акчарлак" лагерендә 18 бала ял итә. 2 июнь көнне аларга кунакка килгән "Юл хәрәкәте куркынычсызлыгы" Яр Чаллы территориаль идарәсенең Актаныш районындагы бүлеге башлыгы Рәсимә Сәетованы балалар да, укытучылар да ачык йөз белән каршы алды. Көн җылы, күктә - кояш, җирдә алтын-сары тузганаклар елмая, кошлар сайрый, бал кортлары безелди... Матур! Шушы матурлыкта балалар Рәсимә апаларының юл йөрү кагыйдәләренә кагылышлы сорауларына җавап бирделәр, транспорт чаралары турында табышмаклар әйтеште, пазллардан юл билгеләрен төзеде, кроссвордлар чиштеләр. Һәммәсе дә тырышты, белгәннәрен күрсәтергә ашыкты. Бүләккә Рәсимә Сәетова пазллар һәм методик ярдәмлекләр, балаларга исә яктылык кайтаргыч значоклар өләште.

- Мондый значок-билгеләр быел 300 данә генә кайткан иде, таратып бетердек. Районыбызда бит 3500дән артык укучы, 1500дән артык балалар бакчасына йөрүче бала исәпләнә. Яктылык кайтаргыч элементлар тәүлекнең караңгы вакытында йөрүчеләрдә булырга тиеш, шуңа әти-әниләр үзләрен дә, балаларын да аның белән тәэмин итсеннәр иде, - ди Рәсимә ханым. Әлеге билгеләр - беләзек, махсус значок, жилет яки өс һәм аяк киемнәрендәге тасмалар караңгыда 130-140 метрдан, фаралар еракка яндырылган очракта, 400 метр арадан ук күренә. Ә менә канунны санга сукмаучыларга штраф каралган.
Юлларда балалар белән бәйле юл фаҗигаләрен булдырмау, юл кагыйдәләрен балалар күңелендә яңарту максатында республикада 15 майдан 15 июньгә кадәр "Игътибар, балалар!" айлыгы бара. Аның кысаларында район юл хәрәкәте куркынычсызлыгы бүлеге тарафыннан район мәктәп һәм балалар бакчаларында 16 чара уздырылган. Файдасы булсын, җәйләр имин узсын.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: