Рөстәм Миңнеханов Татарстан халкын өйдә калырга өндәде

(Казан, 11 апрель, «Татар-информ»). Татарстан Президенты Рөстәм Миңнеханов Инстаграмда гаилә көнкүрешеннән рәсемнәр куйган һәм #ОставайтесьДома хэштегы белән билгеләгән.

Беренче рәсемдә дүрт кешелек гаилә сурәтләнгән: әтисе белән улы шахмат уйный, янәшәдә генә балалар урындыгында кечкенә кызы утыра, ә әниләре өстәл янына зур бәлеш алып килә.

Икенче рәсемдә гаилә пары коймак пешерә, ә өченчесендә ноутбукка карыйлар һәм өчпочмаклар ашыйлар.

«Өйдә утырабыз, Рөстәм Нургалиевич, һәм барлык язылучыларга да киңәш итәбез», «Ничек тәмле ашыйлар», «Әйе, менә бу минеке, мин үз йортымны яратам», — дип комментарий калдырган Татарстан Республикасы Президентының аккаунтына язылучылар.

https://tatar-inform.tatar/news/official/11-04-2020/r-st-m-mi-nehanov-tatarstan-halkyn-yd-kalyrga-nd-de-5735566