Салкыннар алда әле!

Җил секундына15-17 метрга кадәр кө¬чәя¬чәк, күз күреме 500 метр¬га кадәр начарланачак, бозлавык һәм кар көрт¬ләре хасил булачак. Ноябрьнең 3еннән 7 се¬нә кадәр вакыт аралыгында Казанда явым-төшемнең айлык нормасының өчтән бер өлеше яуган. Дүрт көн эчендә башкала урамнарын 1,4 мең тонна кардан арындырганнар. Кар яву дәвам итәчәк, юл хуҗалыкларына көндез дә, төнлә дә эш өс¬тәлә. Явым-төшем аркасында Казан аэропортыннан бер очкычның очып китүе тоткарланды. Сургут - Казан рейсы да үз вакытында килә алмады.

Балтач районы Яңгул авылында яшәүче халык синоптигы Әмир Шәрәфиев, ноябрь башында күп яуган карга гаҗәпләнергә кирәк¬ми, диде. "Бу - чын кар тү¬гел. Менә күрерсез: ишеп явуын явар, әмма бу кар, эреп бетеп, суга әйләнәчәк. Әйе, әлегә салкын, әмма моннан соң җылытачак. 11 октябрьдә беренче кар яуды. Бары тик 40-45 көннән соң гына чын кар ятачак. Алла боерса, ноябрьнең егермеләрендә җир ак карга төренер. Әле чия куакларында яфрак та коелмаган! Декабрьдән әллә ни куркырга кирәкми, әмма гыйнвар белән февральдә зәм¬һәрир кыш булырга мөм¬кин. Җәйгә карап кыш килә, ә июль-август эссе булды. Кар булмаса, көзге бодайлар туңарга мөмкин. Авыл хуҗалыгы өчен авыр кыш киләчәк. Сынау артыннан сынау", - дип сөйләде ул.