ТАГЫН КӘКРЕ КАЕНГА "ТЕРӘТКӘННӘР": Райондашыбыз 17 500 сум акчасыннан колак каккан

16 июль көнне 09 сәгать 5 минутта Актанышта яшәүче 1981 елгы гражданка 13 июль көнне  картасыннан 17 500 сум акча югалуы турында хәбәр итте. Матди зыян күрүче интернет аша кредит алырга теләгән булган. 

Хөрмәтле райондашлар, янә сезгә мөрәҗәгать итеп, интернет аша акча белән бәйле булган операцияләр башкарганда, мошенниклар ятьмәсенә эләгә күрмәгез дип киңәш итәбез. Мисалга фактларны бик күп китерергә мөмкин, үзегез дә алар белән һәрдаим танышып барасыз. Сак булыгыз!