ТАГЫН КЫСЛА...: Райондашыбыз Россиянең табигый ресурсларына 162 мең сумга якын зыян салган

Шушы көннәрдә район полиция хезмәткәрләре, кысла тотып Россиянең табигый ресурсларына 162 мең сумга якын зыян салган Чөгәнә авылында яшәүче берәүгә карата җинаять эше ачканнар. 

Әлеге хокук бозу Минзәлә районыннан килгән автомашинаны туктатып тикшергәч ачыклана. Полиция хезмәткәрләре машинаның багажнигында 3 капчык кысла табалар. Минзәлә "кунагы" кайдан һәм кемнән алганын тулысы белән сөйләп бирә. Шул сәбәпле хокук бозучы ачыклана.
Бүгенге көндә тикшерү бара.
 

фото иллюстрация рәвешендә бирелде