Актаныш

Татарстанда бераз суытачак

Көндез республика территориясендә явым-төшем булу ихтималы аз.

(Казан, 12 июнь, «Татар-информ»). Иртәгә, 13 июньдә, Татарстанда бераз суытачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Аязучан болытлы һава торышы булачак. Төнлә бераз яңгыр явачак, көндез исә республика территориясендә явым-төшем булу ихтималы аз. Төньяк-көнбатыштан талгын җил исәчәк, бераздан ул юнәлешен төньяк-көнчыгышка таба үзгәртәчәк.

Төнлә һава температурасы +7..+12, көндез +16..+21 градус тәшкил итәчәк.

«Татар-информ» агентлыгы атна ахырында Татарстанда температура фонының түбәнәюе көтелә дип хәбәр иткән иде инде.

https://tatar-inform.tatar/news/society/12-06-2020/tatarstanda-beraz-suytachak-5749375

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: