Татарстанда бәрәңге бәясе үзгәрмәгән!

Республикада техник культураларның, шул исәптән бәрәңгенең бәясе узган елгы белән бер чама. Бу хакта бүген “Татар-информ”да узган матбугат очрашуында билгеле булды.

“Бүген рапсны май сыгу комбинаты 21-22 сумнан кабул итә. Көнбагышның бәясе берникадәр кыйммәтрәк булачак. Бәрәңгегә килгәндә, узган атнада башланган авыл хуҗалыгы ярминкәләрендә аның килосы 12 сумнан куелды. Бу узган ел белән чагыштырганда, артык та, ким дә түгел”, - диде авыл хуҗалыгы министры урынбасары Илдус Габдрахманов.
 

Фото: архив tatar-inform