Актаныш

Татарстанда тәүлек эчендә коронавирус белән 31 кеше авырган

Ике кеше инфекцияне республикадан читтә йоктырган.

Соңгы тәүлек эчендә Татарстанда коронавирус белән 31 кеше авырган. Ике кеше инфекцияне республикадан читтә йоктырган. Бу хакта ТР Сәламәтлек саклау министрлыгының матбугат хезмәте хәбәр итә.

«9 кеше хастаханәгә салынган, 22 кеше өйдә дәвалана», — диелә ведомство хәбәрендә.

Авыру очракларының күбесе Казанга туры килә — биредә 18 кеше ачыкланган. Районнар арасында рейтингны Яшел Үзән районы тота — биредә дүрт кеше чир йоктырган.

Статистика алып бара башлаган вакыттан Татарстанда Covid-19 вирусының 19 899 очрагы теркәлгән. 17 011 кеше терелгән, шуларның 38е — соңгы тәүлектә.

Хәзерге вакытта республиканың 182 438 кешесе коронавирустан вакцина ясаткан, 107 184 кеше препаратның ике компонентын да алган инде. 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: