Актаныш

Татарстанда урманнар мәйданын арттыруга бер ел эчендә 197 млн сум акча тотылачак

Язгы урман культуралары сезонында республиканың урман хуҗалыклары 2,3 мең гектар мәйданда урман торгызу эшләре башкарды.

Тулаем алганда, 2020 елда «Урманнарны саклау» төбәк проектын тормышка ашыру өчен федераль бюджеттан 197,7 млн.сум акча бүлеп бирелгән, шул исәптән техника сатып алуга — 46,4 млн. сум. Бу хакта ТР Урман хуҗалыгы министры Равил Кузюров хәбәр итте.

«Мин агымдагы елда „Экология“ милли проектының „урманнарны саклау“ федераль проекты кысаларында „Татарстан Республикасында урманнарны саклау“ төбәк проектын гамәлгә ашыруның барышы турында сөйләргә теләр идем. Аның төп максаты-2024 елга кадәр 100% ка урманнарны яңадан торгызу балансын тәэмин итү. Моңа ирешү өчен ике максатчан индикатор билгеләнгән. Беренче күрсәткеч "урман торгызу һәм урман үрчетү мәйданының киселгән һәм һәлак булган урман утыртмалары мәйданына нисбәте". 2020 елда әлеге күрсәткеч 69,8% тәшкил итә", - диде спикер.
 

Быел урман торгызу мәйданын арттыруга федераль бюджеттан 143,4 млн сум күләмендә акча бүлеп бирелде, урман торгызу өчен урман орлыклары запасын формалаштыруга - 7,9 млн сум.
 

Агымдагы елда республикада язгы урман культуралары сезоны 10 апрельдә ачылды һәм 18 майда тәмамланды. Әлеге чорда урман хуҗалыгы хезмәткәрләре тарафыннан төбәк проекты буенча 2,3 мең гектар мәйданда урман торгызу эшләре башкарылды. Урман культуралары 2,1 мең гектар мәйданда утыртылды, урман үрчетү — 103, катнаш урман торгызу-тугыз гектарда.
 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: