Актаныш

Татарстанлылар «Цифрлы икътисад» илкүләм проекты ярдәмендә IT-компетенцияләргә өйрәнделәр

Һәрбер укучы 15 мең сумга кадәр шәхси цифрлы сертификатлар алдылар.

Татарстанда 1000 кеше «Цифрлы икътисад» илкүләм проектын гамәлгә ашыру кысаларында IT-компетенцияләр буенча бушлай курслар узган. Аларның барысы да бәясе 15 мең сумга кадәр тәшкил иткән шәхси цифрлы сертификатлар алган. Бу хакта ТР Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.

«1000 татарстанлы шәхси цифрлы сертификат алды. Курсларда катнашкан кешеләр арасында 25 яшькә җитмәгән егетләр-кызлар да, 46 яшьтән узган кешеләр дә бар иде. „Цифрлы икътисад“ илкүләм проектын гамәлгә ашыру өчен кадрларны укыту иң мөһим бурыч булып тора», — дип белдерде ТР дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин.

Бушлай курслар 2019 елда Россиянең биш төбәгендә үткәрелә башлады. Проектта 18 яшьтән 100 яшькә кадәрге кешеләр катнаша ала.

Татарстанлылар арасында иң кирәкле юнәлешләр дип саналган «Минем документлар» хезмәтләрен күрсәтү үзәкләрендә мәгълүмат системаларын администрацияләү, персональ мәгълүматларны эшкәртү вакытында персональ мәгълүматларның куркынычсызлыгын тәэмин итү, SMM-менеджер компетенциясе, клиентлар яратып карый торган цифрлы продуктларны булдыру иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: