Актаныш

Телефонга килгән рекламага каршы ничек көрәшергә?

Монополиягә каршы федераль хезмәте халыкка киңәшләрен бирә.

Телефонга смс-хәбәрләр һәм шалтыратулар аша килә торган реклама белән ничек көрәшергә? Монополиягә каршы федераль хезмәте халыкка киңәшләрен бирә. Бу хакта «Российская газета»га сылтама белән «Аргументы недели» газетасы яза.

Иң беренче чиратта, номер хуҗасына төрле банклар яки башка оешмаларга реклама җибәрергә рөхсәт бирү-бирмәвен ачыкларга кирәк. Кайвакыт клиентлар, эчтәлеген укып та тормыйча, реклама җибәрү тәкъдименә ризалашып кул куялар икән.

Реклама

Андый килешү төзелмәгән очракта, турыдан-туры реклама җибәрүче оешманың үзенә мөрәҗәгать итәргә була. Клиент тиешле таләпләрен куйганнан соң, оешма смс-реклама җибәрү һәм шалтыратуларны туктатырга тиеш, ди белгечләр.

Инде мондый гамәлләрдән соң да спам килү дәвам итсә, Монополиягә каршы федераль хезмәтенә барырга кирәк. Дәгъвада реклама текстының скриншоты, электрон хатның бастырылган варианты яки шалтыратуның аудиоязмасы, шулай ук элемтә операторыннан смс яки шалтырату килү фактын раслаган күчермә кирәк булачак.

Чыганак

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: