Тирә-юнебездә... шымчылар?!.

                  Моны хакерлар да раслый. “Тузан суырткыч, суыткыч, телевизорлар. Бүген телевизорларның күпчелеге интернетка турыдан-туры тоташкан. Телевизорларда камералар һәм микрофоннар урнаштырылган. Гомумән, хәзер телевизор зур булмаган кимпьютер корылмасы. Шуңа күрә, билгеле манипуляцияләр ясаганда телевизор камерасына һәм микрофонына кереп була һәм бина эчендә нинди эшләр кайнавын күрергә һәм ишетергә мөмкин”,—дип белдерә RaHDlt Русия хакер төркемендә эшләүче ир-егет.

Әйткәндәй, хакерлар смартфон телефоннарын да күзәтүдә тота алалар.

                            “КиберМосква” проекты җитәкчесе Григорий Пащенко ноутбуктагы яисә смартфондагы камераларны ябыштырып куярга киңәш итә. Эксперт әйтүенчә, челтәрдә зыян салучы программалар киң таралган. Андый программалар электрон корылмаларга тоташып, хуҗаларының эш-гамәлләрен астыртын күзәтәләр. Моның конкрет кешеләр турында күзәтү һәм компромат җыю өчен кулланылу ихтималы бар. Ә менә сүндергәннән соң “iPhone”ның программалары эшләвен дәвам итә. Явыз ниятле кеше моңардан рәхәтләнеп файдалана алачак.

                  Димәк, шымчыларны үз өебезгә үзебез теләп кертәбез...