Актаныш

Актаныш районы

16+
2024 - Гаилә елы
Общество

Цифрлы министрлык башлыгы таныш булмаган телефон номерларыннан саклану чарасын әйтте

Айрат Хәйруллин аңлатканча, шәхси мәгълүматлар ешрак коммерция секторыннан алына.

(Казан, 18 июль, «Татар-информ», Динара Прокопьева). Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы башлыгы Айрат Хәйруллин таныш булмаган номерлардан килгән шалтыратулардан үзеңне ничек сакларга кирәклеге турында киңәш бирде. Бу хакта ул Андрей Кузьминга биргән интервьюсында сөйләде.

«Мин ышанам, кибеттә дисконтлы картаны рәсмиләштергәндә, сез килешүдә вак хәрефләр белән нәрсә язылганны укымагансыз. Ә анда сез өченче затларга үзегезнең мәгълүматларны тапшырырга рөхсәт бирәсез, дип язылган. Аннары сезнең телефон номерын тагын 10 тапкыр саталар», - диде Хәйруллин һәм бу мәсьәләләрдә мөмкин кадәр пөхтә булырга кирәк дип өстәде.

Шундый ук хәл кулланучылар сайтларда куллану килешүен укымыйча теркәлгәндә күзәтелә.

Хәйруллин сүзләренә караганда, шәхси мәгълүматлар ешрак коммерция секторыннан китә. Министр искәртеп узганча, мәгълүматларны сату яки аларның таралуына юл кую - җинаять эше.

Реклама

«Хәлне контрольдә тотучы вәкаләтле орган - Роскомнадзор. Шуңа күрә анда гариза язарга һәм теләмәгән шалтыратулар килә торган номерны тапшырырга мөмкин», - дип киңәш итте Айрат Хәйруллин.

Татарстан министрлыгы башлыгы белән әңгәмәне Sntat газетасында укыгыз. Видеоверсияне «Татар-информ» агентлыгының YouTube каналында күрергә мөмкин булачак. «Андрей Кузьмин белән галстуксыз интервью» программасында әңгәмәнең телевизион вариантын тамашачылар шимбә көнне 18.30 сәгатьтә һәм якшәмбе көнне 13.30 сәгатьтә карый алачак.  

 https://tatar-inform.tatar/news/society/18-07-2020/tsifrly-ministrlyk-bashlygy-tanysh-bulmagan-telefon-nomerlarynnan-saklanu-charasyn-ytte-5757539

Следите за самым важным и интересным в Telegram-каналеТатмедиа

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев