Актаныш

Васил Шәйхразиев: Коронавирус аркасында чараларның 90 проценты узмый калды

ТАССР төзелүнең 100 еллыгын бәйрәм итүгә бәйле 10 меңнән артык чара үткәрелгән, шуларның яртысыннан артыгы – онлайн-форматта.

(Казан, 29 август, «Татар-информ», Әдилә Зыятдинова). Быел планлаштырылган чараларның 90 проценты Covid-19 коронавирус пандемиясе аркасында узмаган. Бу хакта Бөтендөнья татар конгрессының Милли Шура рәисе – ТР Премьер-министры урынбасары Васил Шәйхразиев Андрей Кузьмин белән әңгәмә вакытында белдерде.

«Бу ел ябык. Бизнестагы кебек – нәрсә югалттың, нәрсәне алып бетерә алмадың - барысы да, бу инде, эзсез югалды дигән сүз. Күчерелгән чараларның саны бик аз. 90 проценты диярлек узмады һәм узмаячак», - дип искәртте Шәйхразиев.

ТР Вице-премьеры план буенча Татарстан АССР төзелүнең 100 еллыгын бәйрәм итүгә бәйле 10 меңнән артык чара үткәрелүен әйтте. Шул ук вакытта аларның яртысыннан артыгы онлайн-форматта узган.

«Бу безгә тагын бер кат цифрлы технологияләргә игътибар итәргә мөмкинлек бирде - белгечләр булу, җиһазлар, коммуникацияләр[бәяләргә]. Бу вирус без еллар буе узарга тиешлене бер ай эчендә диярлек узарга мөмкинлек бирде», - диде агентлык әңгәмәдәше.

Бөтендөнья татар конгрессының Милли Шура рәисе - ТР Премьер-министры урынбасары Васил Шәйхразиев белән әңгәмә Sntat.ru сайтында бүген, 29 августта, чыгачак. Видеоверсияне «Татар-информ» агентлыгының YouTube каналында күрергә мөмкин булачак.

Әңгәмәнең телевизион вариантын тамашачылар «Татарстан 24» телеканалында «Андрей Кузьмин белән галстуксыз интервью» программасында бүген, шимбә көнне — 18.30, якшәмбе көнне 13.30 сәгатьтә карый алачак. 

 https://tatar-inform.tatar/news/society/29-08-2020/vasil-sh-yhraziev-koronavirus-arkasynda-charalarny-90-protsenty-uzmyy-kaldy-5767076

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: