Владимир Путин 24 июньне ял көне итеп игълан итте
24 июньдә Бөек Ватан сугышында Җиңүнең 75 еллыгы уңаеннан парад булачак.
(Казан, 30 май, «Татар-информ»). Россия Президенты Владимир Путин 24 июньне эш көне булмаган көн дип игълан итте. Ул көнне Бөек Ватан сугышында Җиңүнең 75 еллыгы уңаеннан хәрби парад булачак. Бу хакта Кремльнең матбугат хезмәте хәбәр итә.
Җиңү Байрагы астында хәрби техника катнашындагы парадлар 10:00 сәгатьтә (Мәскәү вакыты буенча) Мәскәүнең Кызыл мәйданында һәм илнең башка шәһәрләрендә узачак, диелгән боерыкта.
22:00 сәгатьтә артиллерия салютлары булачак.
Быел 24 июнь чәршәмбе көнгә туры килә. Бу эш көне булмаячак, әмма хезмәт хакы түләнәчәк.
Элегрәк «Татар-информ» хәбәр иткәнчә, Казахстан, Молдавия, Кыргызстан, Сербия һәм Палестина башлыклары 24 июньдә Мәскәүдә Җиңүнең 75 еллыгы уңаеннан узачак тантаналарда катнашуларын раслады.
Следите за самым важным и интересным в Telegram-каналеТатмедиа
Нет комментариев