Ярдәм итүчегә – акчалата бүләк

12 июльдән 13 июльгә каршы төндә билгесез кешеләр район үзәгенең Ленин паркында 4 эскәмия-утыргычны, 1 чәчәк клумбасын әйләндереп, район мәдәният йорты каршындагы паркта 5 фонарь баганасына зыян салалар. Шул ук төнгә каршы "Актаныш" кунакханәсе каршындагы реклама щитының пыяласын ваттылар.
Бу фактлар буенча РФ Җинаятьләр кодексының 214 нче маддәсе (вандализм) нигезендә җинаять эше кузгатылды.
Әлеге җинаять буенча нинди дә булса мәгълүматы, яисә аның шаһиты булганнар 8-960-068-93-53 номеры буенча элемтәгә керсеннәр иде. Җинаять эшен ачыклауда кирәкле мәгълүмат тапшыручыга акчалата бүләк каралган.