Югары Яхшый авылында яшәүче Миргалим Әһәдуллинга 90 яшь

            Әһәдуллиннарга район җитәкчелегенең килүе тагын бер истәлекле вакыйга белән бәйле. Тыл ветераны Миргалим бабайга Россия Президенты Владимир Путин да хөрмәтләү тәбрикнамәсе юллаган. Бөек Ватан сугышы чорында һәм аннан соңгы елларда илне күтәрү, төзекләндерү нәкъ менә Миргалим кебек яшүсмерләр җилкәсенә төшә. Балачакларын онытып бик тиз тормыш арбасына җигелергә туры килә бу малайларга. 

        Бүгенге тормышка Миргалим бабай мең шөкер итә. Авылда, хуҗалыкта тырыш хезмәт куйган ветеранны Югары Яхшый авыл җирлеге башлыгы Җәүһәрия Зиннәтуллина, "Эконом" хуҗалыгы җитәкчесе Алмаз Кәримов, ветераннар Советы рәисе Рәшит Галимуллин да ихластан котлап рәхмәт белдерделәр.