Актанышның хөрмәтле ханымнары Татарстан Рәисенең Халыкара хатын-кызлар бәйрәме уңаеннан котлауларын кабул итә

Әлеге чарада район мәгариф идарәсе башлыгы урынбасары Фирүзә Гыймадиева җитәкчелегендәге Актаныш районы делегациясе дә бәйрәм котлаулары кабул итә.

Ватаныбызга батыр уллар- махсус хәрби операциядә илебез мәнфәгатьләрен яклаучы кыю сугышчылар үстергән хөрмәтле аналар- Илина Арсланова, Надилә Шәңгәрәева, Фанә Мөхәммәтова, Ләйсән Мөхәммәтова, шулай ук район инвалидлар оешмасы җитәкчесе Фәйрүзә Разетдинова,

"ТАТМЕДИА" АҖ филиалы "Актаныш-информ» веб- редакторы Ләйсән Газизова, күпбалалы ана, Актанышның икенче санлы мәктәбе лаборанты Илиза Тимирова - республикакүләм бәйрәм кунаклары. 
 

Бәйрәм бик эчтәлекле, гүзәл затларны олылауга, хөрмәтләүгә багышланган. Алга таба районыбыз өчен тагы да куанычлы хәбәрләрне җиткерербез.