Актаныш

Актаныш үзәкләштерелгән  китапханәсе 2021 елда 10 млн сумлык грант отты

  Әлеге шатлыклы хәбәрне алар Цифрлаштыру елы уңаеннан үзләренә зур бүләк буларак кабул иттеләр. 

– 10 млн сум акчаны китапханәне җиһазландыруга, цифрлаштыруга тотарга уйлыйбыз. Күп кенә җиһазларны алырга өлгердек инде. Әле эшләребез күп. Модельле китапханәне октябрь башына өлгертергә дип ышанабыз, – ди китапханә җитәкчесе Гөлназ Әхмәдишина. 


Китапханәгә яңа компьютерлар, төсле принтерлар, балалар китапханәсенә интерактив өстәл, интерактив идән, тавыш көчәйтү аппаратурасы кайтартылган. 2 млн сумына яңа китаплар алынган. Алар татар һәм рус телләрендә, балалар һәм зурлар өчен.
Бинага өлешчә ремонт ясала, тәрәзәләргә жалюзи эленәчәк. Китапханәгә мебель кайтачак. Ул – укучылар өчен җайлы урындыклар, компьютер өстәлләре һәм иң күбесе – китап киштәләре. Бөтен фонд шушы яңа стеллажларга урнаштырылачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: