Ә сез беләсезме?
Көн кадагындагы тема: Термометр ничә градус күрсәтә?
Кышның зәмһәрир салкыннары безнең төбәккә дә килеп җитте. Сезгә районыбыз табибларының киңәшләрен җиткерәбез.
- Салкында шарфка уралмаска кирәк, чөнки анда сулап чыгарылган һава сеңә. Металл бизәнү әйберләре һәм металл рамкалы күзлекләр кулланмаска, шулай ук юеш чәч белән урамга чыкмаска киңәш ителә.
- Салкында авыз белән түгел, борын белән суларга кирәк. Шул вакытта һава үпкәгә җылынып барып җитә.
- Урамга чыгар алдыннан эчкән кайнар чәй һәм кәһва кан әйләнешен тизләтә һәм тамырларны киңәйтә, ә бу организмда җылылык югалуга китерә. Шуңа күрә чәйне урамга чыгар алдыннан ярты сәгатьт алдан эчәргә кирәк. Салкында тәмәке тарту кан циркуляциясен начарлата. Алкоголь кулланганда кеше җылысын югалтуын тоймый, дип белдерә табиб.
- Салкыннарда, организмга энергия җитсен өчен, үз рационыңда аксым һәм майлар өлешен арттыру зарур.
Следите за самым важным и интересным в Telegram-каналеТатмедиа
Нет комментариев