Теләкәй авылы кызы Айзирә Имамова якташларына «Хыялыма таба барам» китабын тәкъдим итте

          Районыбызда туып-үскән шагыйрь-язучылар туган телебез сагында торучы фидакарьләр. Аларның сафын хәзерге вакытта Чаллыда яшәүче Айзирә Имамова тулыландырды. Туган авылы Теләкәйдә Айзирә каләмдәш дуслары белән тәүге китабы-  "Хыялыма таба барам" җыентыгын тәкъдим итте.

               Яшь шагыйрәне тәбрик итәргә Чаллы язучылар берлеге рәисе, Г. Тукай бүләге иясе Факил Сафин җитәкчелегендә бер төркем иҗат әһелләре кайткан иде.  Райондашлары, авылдашлары да Айзирәне хөрмәт итеп бик җылы очрашу оештырды.