Бавыр пешерү серләре

                       Бавыр бик нәзакатьле әзерләнә торган ризык. Аның файдасы ничек әзерләп ашауга бәйле.

                       Кемдер аны иң элек сөткә салып тора. Белгечләр моны элекке заман ысулы дип атый һәм сыйфатлы продукт алган очракта алай эшләү кирәкми, ди. Ә менә элпәсен алырга кирәк. Бавырны эшкәртергә җайлы булсын өчен, аның бераз гына туңган булуы кирәк.

                       Бавырны нечкә итеп турап кыздырып алыгыз һәм табага сыер мае белән шалфей салыгыз. Аннары тагын бер-ике минут кыздырыгыз. Кемдер шалфей урынына суган, кориандр, каймак, бераз гына мускат сала. Аш серкәсе сибәргә мөмкин.

          Чыганак: Өмет