Актаныш

Татарстанда аналарга өстәмә ял бирергә тәкъдим иттеләр

Яңа үзгәрешләр 16 яшькәчә балалары булган хезмәткәрләргә игътибар бирергә тәкъдим итә.

 Татарстан Министрлар Кабинеты 1991 елда ТАССР Министрлар Советы карарына үзгәрешләр кертте. Бу хакта Татарстан Республикасында Бала хокуклары буенча вәкаләтле вәкил порталында хәбәр ителә.

Әлеге документта аналарга һәм балаларга өстәмә ярдәм итү турында әйтелә. Яңа үзгәрешләр буенча, эшләүче аналарга ай саен өстәмә ял көне бирелергә мөмкин.

Документта бишенче пункт үзгәртелүе турында билгеләп үтелә. Яңа үзгәрешләр 16 яшькәчә балалары булган хезмәткәрләргә игътибар бирергә тәкъдим итә.

“Эш белән тәэмин итүчеләргә 16 яшькәчә баласы булган аналарга атна саен 2 сәгать ял яки айга 1 ял көне бирергә, бу көнне эш бирүче хисабына өлешчә яки тулысынча түләргә тәкъдим ителә”, - диелгән карарда.

Буш вакыт яки ял бирү тәртибе һәм шартлары норматив актлар яки оешманың коллектив килешүе буенча билгеләнә. Бу яңа үзгәрешләр тулы булмаган ставкада эшләүче яки ялда булучыларга кагылмый.

 

чыганак: http://sarman-rt.ru/news/khbrlr/tatarstanda-analarga-stm-yal-birerg-tkdim-ittelr

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: