Актаныш

Актаныш чаңгычылары - Татарстанның җыелма командасы составында

Чаңгы ярышлары буенча 21-24 гыйнвар көннәрендә 1998-99 елгы яшүсмерләр арасында узган Татарстан беренчелегендә Актанышның "Лачын" спорт мәктәбе егетләре 17 район командасы арасында II урынны яулап кайттылар. Ирекле йөреш буенча Камил Могътазиров зур өстенлек белән беренче килгән, Илнар Фәрдиев - II, Таһир Садретдинов - IV урында. Классик шууда да егетләребезнең нәтиҗәләре...

Чаңгы ярышлары буенча 21-24 гыйнвар көннәрендә 1998-99 елгы яшүсмерләр арасында узган Татарстан беренчелегендә Актанышның "Лачын" спорт мәктәбе егетләре 17 район командасы арасында II урынны яулап кайттылар.
Ирекле йөреш буенча Камил Могътазиров зур өстенлек белән беренче килгән, Илнар Фәрдиев - II, Таһир Садретдинов - IV урында. Классик шууда да егетләребезнең нәтиҗәләре яхшы. Спринт буенча ярышның финал өлешенә нибары 6 спортчы уза. Шуларның өчесе - безнекеләр: Илнар Фәрдиев - I, Камил Могътазиров - II, Таһир Садретдинов VI урынны яулаганнар.
Әлеге чемпионт Татарстанның җыелма командасына спортчылар сайлап алу туры буларак та узды. Безнең шушы өч егетебез - команда составында. Алар хәзер Ялта-Зәй Рәсәйкүләм чаңгы спорты үзәгендә, 3-7 февраль көннәрендә үтәчәк Рәсәй беренчелегенә әзерләнәләр, дип хәбәр итте "Лачын" спорт мәктәбенең чаңгы спорты буенча остазы Галимҗан Мансуров.
Егетләргә уңышлар телибез.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: