Актанышта шахмат буенча “БлагоДарение” хәйрия фонды призына турнир узды

Шахмат мәктәбендә шөгыльләнүче балаларны "БлагоДарение" хәйрия фонды шефлыкка алачагын, даими рәвештә бәйгеләр оештырырга ниятләвен алданрак хәбәр иткән идек - 24 декабрь көнне фонд призына ярышлар узды.

Балалар бакчалары нәниләреннән алып өлкән сыйныф укучыларына кадәр акыл уенында көч сынашты бу көнне. Иң кечкенәләрдән Илдан Саматов һәм Раяна Латыйповалар - җиңүчеләр. Ильяр Хафизов һәм Арина Шайгалләмова - II, Кәрим Акмалов - III урын ияләре. I сыйныф укучылары арасында Аяз Басыйров һәм Камилла Бикимова - I, Әмир Шәвәлиев һәм Камилә Закирова - II, Илмир Шәмсиев һәм Азалия Шайморатовалар - III урын призерлары. II сыйныф укучылары арасында җиңүче исемен Зәйнәп Рахманова һәм Ильяр Галимовлар яулады. Ангелина Шайгалләмова һәм Фаил Шәймәрдәнов - II, Рәзилә Нәбиева һәм Булат Хафизовлар III урынга лаек булдылар. III-V сыйныф укучылары арасында Альбина Әхмәтҗанова белән Ислам Тимеров, Мансур Закирьяновлар чемпион исеменә лаеклар, Фирүзә Нәбиева һәм Булат Төхбәтуллин - II, Рәмилә Әмирханова, Әмир Акмалов һәм Газиз Хөҗҗәтовләр - III урын ияләре. Зурлардан җиңүче исемен Роза Гыймазова белән Таһир Хөрмәтуллин яулады. Кызыксындыру бүләкләрен алучылар - Ләйсирә Гайнанова һәм Әмир Сәлимгәрәев, Ильяр Хафизов, Руслан Имамов, Айгиз Хуҗин, Булат Нәбиевләр дә киләсе ярышларда җиңүчеләр сафын тулыландырырлар дигән өметтәбез.