"Актаныш таңнары" газетасының 90 еллыгына багышланган велойөреш уңышлы тәмамланды

       Кичә районыбызның спорт сөючеләре Актаныш- Чишмә-Киров-Бикчәнтәй, Иске Кормаш-Татар Суыксуы-Татар Ямалысы авыллары маршруты буенча 90 чакрымлы велосәяхәт ясады.

        Бүген спортчыларыбыз төш вакытына кайтып җитте.
           Татар Ямалысы авылында газета укучылар белән очрашканнан соң табигатьтә төн кунды алар.     

         Бүген Татар Ямалысы-Такталачык-Уразай-Актаныш маршруты буенча юл уздылар.

     Район башкарма комитетының спорт, туризм һәм яшьләр бүлеге җитәкчесе Ленис Вәлиев велойөрешнең инициаторы "Актаныш-информ" җитәкчесе Айнур Гыймадиевка рәхмәт белдерде. Велойөрешне беренче тапкыр моннан 3 ел элек, ул вакыттагы район башкарма комитетының спорт, туризм һәм яшьләр бүлеге җитәкчесе Айдар Иманаев оештырган. Былтыр да әлеге күркәм традицияне саклап бу спорт чарасы узган иде. 

- Районыбызда сәламәт яшәү рәвешенә тартылучылар артуын күрәбез. Урамда велосипедта йөрүчеләр дә күбәя. Киләчәктә аларны үзебезнең велойөрешкә көтеп калабыз,- диде Ленис Әнәс улы спорт чарасына йомгак ясап.