Актанышта велоузыш старт алды

Актаныш-информ, 10 июнь 2020 - 08:50

1953

Бүген, ТАССРның 100, Бөек Җиңүнең 75, район төзелүгә 90 һәм Актанышның 310 еллыгына багышланган велоузыш старт алды. Ул ике көн дәвамында барачак һәм тулысы белән районны колачлый.

Беренче көнне спортчылар 73 километр араны узарга ниятли. Велоузыш барышында 12 авыл җирлегендә булып, тарихы белән танышып махсус әзерләнгән истәлек билгеләре дә тапшырылачак. Шундый очрашуларның тәүгесе Уразай җирлегендә узды. Авыл җирлеге башлыгы Риназ Шәрипов спортчыларны каршы алып, авылның тарихы, җирлектән чыккан шәхесләр белән таныштырды.