Бүген районда Кышкы спорт сезоны ачылды

Кышкы сезонны мәктәп укучылары арасындагы чаңгы ярышы башлап җибәрде. 

Актанышның беренче һәм икенче мәктәпләре, сәләтле балалар өчен гуманитар гимназия-интернат, Сәфәр, Киров, Күҗәкә мәктәбе укучыларын кышкы салкыннар куркытмаган. Яшь спортчылар 8 категориягә бүленеп, ягъни 1-4, 5-7, 8-9,10-11 сыйныф егетләре һәм кызлары чаңгыда узышты. 

Башкарма комитетының яшьләр эшләре, спорт һәм туризм бүлеге җитәкчесе Ленис Вәлиев районда кышкы спорт сезонын башка елларда ноябрь аенда ачсак, быел кар озак төшмәү сәбәпле, соңга калуын билгеләп үтте. Чаңгы трассасына Яңа ел ялларында да кар тузаны төшмәчәк. Көн саен диярлек биредә спорт чараларын оештыру күздә тотыла.