Җиңүчеләр бүләкләнде

Район башлыгы Э.Н.Фәттахов, күптән түгел Яшел Үзән шәһәренең "Маяк" чаңгы юлында узган ТР буенча шәхси-команда беренчелегендә катнашып, авыл командалары арасында I урынны яулаган чаңгычыларны хөрмәтләде. Остазлар- Галимҗан Мансуров һәм Ришат Нуриәхмәтов җитәкчелегендә ныгыган Айсылу һәм Айбулат Гыйльфановлар, Рәсим Вәлиев, Ләйсән Зиннурова, Ригинат Нуриәхмәтов, Таһир Садертдинов, Рушания Әсәдуллина уңышлы чыгыш ясап, чаңгы спорты буенча район данын югары баскычка куйдылар. Ә иң җитез Айгөл Вәкилова белән Илнар Фәрдиев республика күләмендә иң яхшы 10 чаңгычы сафына кертелде.