Кировлылар күренекле якташлары хөрмәтенә теннис ярышы уздырды

Әлеге бәйге бар гомерен шушы җирлеккә, багышлаган Татарстанның атказанган икътисадчысы 
Миргазиян Нургалиев истәлегенә оештырыла. Унынчы ел рәттән уздырылган ярышта катнашучылар саны артканнан-арта. Бүген дә иң оста теннисчылар Киров авылына районның төрле төбәкләреннән көч сынашырга килде.

Бәйгедә Киров авылы оныгы, Актанышта яшәүче Булат Шәкүров җиңүче булып танылды. Җирлек башлыгы Илназ Мәгъдәнов Булатка җиңүче кубогы, истәлеккә бүләк тапшырды. Башка уенчылар да  дипломнар, бүләкләр белән хөрмәтләнделәр.