Икенче атнага Кышкы спартакиада кысаларында өстәл теннисы ярышлары башлана

Өстәл теннисы спорты белән шөгыльләнүче райондашларыбызны 15-16 февраль көннәрендә 19.00 сәгатьтә «Батыр» спорт сараенда узачак ярышларда көтеп калабыз. Бәйгегә һәр командадан берәр хатын-кыз һәм ир-егет катнаша ала. Урыннар шәхси һәм команда беренчелеге арасында чыгарыла.

Ярышларның баш хөкемдары балалар һәм яшүсмерләр спорт мәктәбе остазы Булат Солтанов, сәркатибе М. Әхтәмов. 

Кышкы чорда өстәл теннисы буенча район чемпионатын уздыру турындагы нигезләмәдә оешма-предприятиеләр ярышларында катнашучы гражданнар авыл җирлекләре буенча үткәрелгән бәйгеләргә кертелми, дип искәртелгән.