“Лачын“нарга тиңнәр юк

РФ беренчелегенә узган хоккей ярышлары кысаларында, "Лачын" хоккейчылары Йошкар-Оланың "Спартак" командасы белән очрашты. Беренче көнне уен 7:3 исәбенә боз хуҗалары- "Спартак" командасы җиңүе белән тәмамланды. 30 сентябрьдә "Лачын" хоккейчылары оста уен күрсәтеп, 1:6 исәбенә җиңү яуладылар.
Шул ук көнне Мамадышта Бөтендөнья кызлар хоккее көне уңаеннан узган турнирда нәфис затларыбыз да сынатмады. Актаныш- Мамадыш уены 2:0, Актаныш- Саба 1:1, Актаныш - Норлат 5:0 исәбенә тәмамланып, кызлар командасы I урынга лаек булды.