Район спорт мәктәбенең шахмат бүлеге укучылары Татарстан Республикасы шахмат федерациясенең “Яшь хөкемдар” таныклыгына ия булды

             Бүген Актанышта республикакүләм классик шахмат ярышы башланды. Бәйгене ачу тантанасы күңелле мизгелләр белән истә калды.

Район башкарма комитетының Яшьләр эшләре, спорт һәм туризм бүлеге башлыгы Ленис Вәлиев район спорт мәктәбенең шахмат бүлегенең 5 укучысына  Татарстан Республикасы шахмат федерациясенең зур ышаныч күрсәтүен билгеләп үтте. 

  Рәзилә Нәбиева, шахмат буенча спорт мастерлыгына кандидат Данияр Латыйпов, Зәйнәп Рахманова, Фирүзә Нәбиева, Алияна Айбашевага  “Яшь хөкемдар” таныклыгын тапшырды.

Ленис Әнәс улы бу укучыларның тагы да зуррак биеклекләргә ирешүләрен теләп изге теләкләрен җиткерде.